ماسكات طبيعية

أكيد بشرتك في الصيف بتعاني من مشاكل كتير أوي زي مثلا مشكلة جفاف البشرة أو ظهور البقع السوداء،

أقدم لكم مجموعة متنوعة من الماسكات الطبيعية...

وده لأن الماسكات الطبيعية من أهم مستحضرات التجميل اللي لها مفعول السحر في الاعتناء بالبشرة، فالماسكات لها فوائد كثيرة، منها؛ أنها بتساعد على جريان الدورة الدموية، وإزالة المواد السامة من على البشرة الخارجية، ومعالجة تجاعيد البشرة، وإزالة الدهون والزيوت من على البشرة...

مش كده وبس دي كمان بتخلي البشرة الجافة رطبة والبشرة الدهنية عادية، وبتدخل الأكسجين إلى البشرة وبتخلي البشرة منتعشة ومرتاحة..
.
ودلوقتي تعالي نشوف مجموعة متنوعة من الماسكات الطبيعية، وياريت تختاري ماسك واحد منهم مناسب لنوع بشرتك وتعمليه مرة واحدة في الأسبوع

ماسك اللبن

للبشرة العادية

ماسكات طبيعية Kamar_011

الماسك ده بالذات مناسب جدا لأصحاب البشرة العادية، لأنه بينقي البشرة من أي شوائب ممكن تتجمع عليها نتيجة التلوث وكمان بيغذيها.

المكونات:-

• 5 معالق لبن حليب.
• 5 معالق عسل نحل.

طريقة تحضير الماسك:-

حطي العسل على اللبن، لغاية ما يصبحوا مزيجا واحدا، وبعدين حطي الماسك على وجهك لمدة 10 دقائق، بعد كده اغسلي وجهك بالميه الفاترة.

غسول النعناع

للبشرة الدهنية

ماسكات طبيعية Kamar_012

لو كانت بشرتك دهنية فأنت أكيد محتاجة إلى حاجة تخلصك من الدهون والزيوت... وأحسن حاجة إنك تستخدمي غسول النعناع

المكونات:-

• نعناع أخضر أو مجفف.
• ميه.

طريقة تحضير الماسك:-

بتغلي شوية نعناع طازة مع الميه، وبعدين تستني شوية لما الميه دي تبرد، وبعد كده تغسلي وجهك بيهم مرتين في اليوم مرة الصبح ومرة بالليل.

ماسك عصير الخيار

للبشرة الدهنية الجافة

الماسك ده ممكن تستخدميه لو كانت بشرتك دهنية جافة بس بشرط إنها تكون خالية من الحبوب...

المكونات:

• معلقتين عصير خيار.
• معلقة ماء ورد.
• معلقة زيت زيتون.
• معلقتين دقيق.
• شرائح خيار.

طريقة تحضير الماسك:-

بتخلطي المكونات كلها مع بعضها ما عدا شرائح الخيار، وبتحطي الماسك على بشرتك، وبتحطي شرائح الخيار عليه لمدة 10 دقائق، بعد كده بتغسلي وجهك بالميه الباردة، على فكرة الماسك ده بيساعد على ترطيب البشرة.

ماسك التفاح

لشد البشرة الدهنية المترهلة

ماسكات طبيعية Kamar_015

لو كنت فوق الثلاثين وبتعاني من وجود ترهلات في بشرتك ممكن تستعملي الماسك ده...

المكونات:-

• قلب التفاحة.
• معلقة كبيرة نشا مدوبة في معلقتين ميه.
• 3 معالق عصير تفاح.
• معلقة كبيرة عصير خس.
• نقطتين عصير ليمون.
• معلقتين كبار دقيق.

طريقة تحضير الماسك:-

بتحطي التفاحة بعد ما تقشريها في الخلاط، وبتضيفي إليها كل المكونات السابقة، وفي الآخر الدقيق واحدة واحدة لغاية ما الخليط يتماسك في الخلاط، بتحطي الماسك على وشك لمدة 10 دقايق وبتشيليه بالميه الفاترة، وعلى فكرة ده مش بيشد البشرة وبس ده كمان بيشيل البقع الموجودة في الوجه

.

ماسك الليمون

لسد مسام البشرة الدهنية

ماسكات طبيعية Kamar_016

لو كانت بشرتك دهنية وبتعاني من مشكلة المسام الواسعة فالحل في الماسك ده...

المكونات:-
• 3نقط عصير ليمون.
• معلقة كبيرة خميرة مدوبة في معلقتين ميه.
• معلقة نشا مدوبة مع معلقة ماء ورد.
• معلقتين لبن.

طريقة تحضير الماسك:-

بتحطي المكونات كلها مع بعضها لغاية ما يبقوا مزيج متماسك، ولو المزيج ناشف شوية ممكن تحطي شوية لبن، ولو المزيج طري بتحطي شوية دقيق...

بتحطي الماسك على بشرتك لمدة 5 دقائق، وبعد كده بتشيليه بالميه الفاترة، على فكرة الماسك ده بينظف البشرة وبيسد المسام الواسعة في منطقة الأنف أو الخدود وبيخفف الإفرازات الدهنية في الخدود

.

ماسك عصير البرتقال

للبشرة الجافة

ماسكات طبيعية Kamar_017

لو كانت بشرتك جافة ونفسك في حاجة تطريها يبقى ممكن تجربي الماسك ده...

المكونات:-

• معلقة كبيرة قشر ليمون مبشور.
• معلقة كبيرة قشر برتقال مبشور.
• معلقة دقيق.
• معلقة صغيرة عصير ليمون.
• معلقة صغيرة عصير برتقال.
• معلقة صغيرة زيت اللوز الحلو "موجود عند العطار".

طريقة تحضير الماسك:-

تخلطي المكونات كلها مع بعضها وتفركي وشك بيها، وعلى فكرة ممكن تغسلي وشك بالصابون الطبي في الأول، وبعدين تفركي وشك بالماسك بإيدك الاثنين بالراحة، وعلى فكرة الماسك ده مفيد جدا لأنه بيقضي على أي خلايا ميتة في البشرة، وممكن بعد الماسك ده تحطي على وشك قشطة اللبن لمدة 3 دقايق..

فى انتظار ودودكم

ويارب يعجبكم

تسلم ايدك

يا منى

ايه الحلاوة ديه يا منى تسلم ايدك ياغاليه يالى مافيش منك حدولا هنلاقى زيك حد

انا رامى القلب الحنون

موضوع: من حنين الثلاثاء يوليو 07, 2009 5:24 pm

الموضوع جميل وشيق ميرسى ليكى وشكرااااااااااااااااااااااااااااااااا

شكرااااااااااااااااااااااااااااااااااااااا ليكى يا حنين

زائر

الموضوع حلو
مفيش شكرا ليا

هههههههههههههههههههههههههه

لا فية